1-PërshkrimiKungulli është shumë i dobishëm sepse përmban karotinë, vitamina B1, B2, PP, A dhe C, ndërsa ka pak kalori. Ai përdoret gjerësisht në gatime të ndryshme si meze, makarona, oriz, embëlsira dhe torta. Këtu paraqesim një recetë të thjeshtë, të shëndetshme dhe të përshtatshme edhe për fëmijët: supë krem me kungull.
2PërbërësitKjo supë përgatitet me 250 g kungull, 1 patate, 2 copë presh (vetëm pjesa e bardhë), pak gjalp, borzilok, majdanoz, sherebelë, rozmarinë, kripë, piper dhe pak kanellë.
3Përgatitja Në një tenxhere shkrijmë pak gjalp dhe shtojmë preshin e prerë hollë duke e kavërdisur ngadalë. Pastaj shtojmë kungullin dhe pataten të prera në copa dhe i mbulojmë me ujë ose lëng perimesh. Shtojmë kripë dhe erëzat të lidhura me fill kuzhine, e mbulojmë dhe e lëmë të ziejë ngadalë për 20–30 minuta. Pasi të zbuten, heqim erëzat dhe grijmë masën me mikser deri sa të përftohet një krem me ngjyrë portokalli. Supën e hedhim në pjatë, shtojmë pak kanellë pluhur sipër dhe, nëse dëshirojmë, e shoqërojmë me copa buke të thekur.
