Një qytetar nga Tirana ka humbur portofolin e tij dje rreth orës 14:30 pranë zgarës korçare “Ali Demi”. Sipas denoncimit, portofoli i ka rënë në tokë në momentin që po hipte në makinën e tij, ndërsa pak sekonda më pas një person që lëvizte me biçikletë është afruar, e ka vërejtur portofolin dhe e ka marrë. Ngjarja është filmuar dhe qytetari kërkon ndihmë për identifikimin e personit.
Denoncuesi bën të ditur se ka kryer kallëzim edhe pranë Komisariatit të Policisë nr. 1, duke theksuar se e ka të domosdoshme rikthimin e dokumenteve që ndodheshin në portofol. Ai i bën apel personit që e ka gjetur që t’i dorëzojë dokumentet ose t’i lërë pranë Komisariatit nr. 1, edhe nëse nuk dëshiron kontakt të drejtpërdrejtë.
Denoncim:
Përshëndetje JOQ Albania! Sot rreth orës 14:30, pranë zgarës korçare “Ali Demi” në Tiranë, më ka rënë portofoli në rrugë teksa po hipja në makinën time. Unë disponoj momentin kur, pasi unë largohem, vjen një person me biçikletë, e sheh portofolin në rrugë, ndalon dhe e merr. Do t’ju lutesha ta publikoni këtë, me shpresën që personi ta shohë, dhe do t’i kërkoja të më dorëzonte vetëm dokumentet që kam pasur aty. Kam bërë edhe kallëzimin në Policinë e Rajonit nr. 1; thjesht më duhen dokumentet, ndaj ju lutem ta postoni si njoftim, që kushdoqoftë personi në video që e ka gjetur, thjesht t’i dorëzojë dokumentet. Nëse nuk dëshiron të m’i dorëzojë personalisht, mjafton t’i çojë pranë Komisariatit nr. 1. Faleminderit paraprakisht!
