Debora Krasniqi, bashkëshortja e gangsterit shqiptar Flamur Beqiri, ka rindërtuar jetën e saj pas një ngjarjeje tragjike që tronditi publikun britanik. Sipas “The Sun”, Debora ishte dëshmitare e vrasjes së burrit të saj në prag të shtëpisë së tyre luksoze në Battersea në vitin 2019, teksa mbronte djalin e tyre të vogël. Beqiri, një nga personat më të kërkuar të Suedisë për trafik droge, u qëllua nga një vrasës me pagesë për shkak të rivaliteteve me bandat suedeze.
Pas 6 vjetëve, Debora ka lënë pas tmerrin e së kaluarës dhe tani punon si avokate e suksesshme në Dubai, në firmën “ADG Legal”. Media britanike thekson se ajo merret me klientë të pasur që përballen me akuza penale dhe çështje të pastrimit të parave, duke treguar një kthesë të jashtëzakonshme nga jeta e saj e mëparshme si “grua e gangsterit”. Debora gjithashtu ka një histori të gjatë në biznes dhe investime në pronësi dhe mikpritje, përpara se të nisë karrierën ligjore në Emiratet e Bashkuara Arabe.
“The Sun” përshkruan gjithashtu se Beqiri kishte jetuar një jetë të dyfishtë, duke prezantuar veten si biznesmen i industrisë së muzikës, ndërsa ishte përfshirë në trafikun ndërkombëtar të drogës. Vrasja e tij ishte pjesë e një sulmi të planifikuar me pagesë, ku përdoruesi Hemissi dhe ekipi i tij kishin veshur maska dhe përgatitur sulmin për të shkaktuar terror dhe tronditje maksimale. Debora, duke parë përvojën e tmerrshme, ka treguar se ka ndërtuar një jetë të re dhe të suksesshme larg errësirës së së kaluarës.
