Lythat shpesh herë i konsiderojmë si probleme estetike dhe menjëherë drejtohemi tek mjeku për t’i hequr me lazer apo acid, por ato kanë një shkak e shpesh herë “flasin” për disa probleme shëndetësore. Lythat janë zgjatime beninje të lëkurës që shkaktohen nga virusi i Papilomës, por ato janë edhe një shprehje e çekulibrimit të brendshëm, sistemi jonë imunitar mund të jetë dekomprimentuar. Nutricionisti Altin Joka ka shpjeguar në emisionin “Rreze Dielli” në Report TV, se pas tyre mund të fshihen një sërë problemesh shëndetësore.
Lythat shfaqen kur kemi ngarkesë në mëlçi ose kur kemi zorrë të bllokuar, por edhe mungesa e zinkut ndikon që ato të dalin tek sytë, ose kur kemi mungesë të omegës”, shpjegoi Joka.Duhet të kuptojmë që ka lytha që vijnë nga Papilomavirus dhe lythat që dalin si zgjatim lëkure në qafë, në qepalla dhe në këmbë. Ato dalin sepse ne mund të kemi një çrregullim të insulinës në gjak, ngadalësim të qarkullimit limfatik, kjo sjell inflamacion të lëkurës. Por edhe hormonet, kur kemi ndryshim të nivelit të testosteronit, të gjitha këto sjellin shfaqjen e lythave. Një ndikim në krijimin e tyre kanë edhe kimikatet nga produktet që përdorim, ose prezenca e parazitëve e cila sjell disbalancim të mikrobiomës së zorrës”, u shpreh nutricionisti Joka. Joka tha gjithashtu se kur lythat dalin në sqetulla, ka aktivitet të ulët të linfës, dhe në momentin që ne djersisim ose kur nuk jemi pastruar mirë do ndikojë në rritjen e tyre. Gjithashtu edhe kimikatet në antidjersat të cilat kanë paraben, alumin, aroma sintetike e alkool, sjellin irritimin e lëkurës duke u bërë predispozitë për krijimin e lythave.
Por a mund të përhapen lythat nga një individ tek tjetri?
Po ato mund të përhapen nga kontaktet përmes peshqirëve, takimit, kontaktit me duar, nga makinat e rrojës, gërshërët tek berberi por edhe në vende me lagështi si pishinat apo palestrat ku virusi Papiloma mbijeton më gjatë për shkak të lagështisë.
Por nëse lythat nuk vijnë nga virusi Papiloma, cilat janë shkaqet?
“Nëse lythat kanë dalë në qafë dhe janë beninje ato shkaktohen nga probleme të brendshme. Ju mund të keni një problem hormonal ose nivel të lartë të glicemisë në gjak, por mund të keni edhe inflamacion apo mëlçi të rënduar nga toksinat ose parazitë në zorrë”, thekson Joka.
Ja si mund të shpëtojmë nga lythat!
Ato ikin vetë nëse ne mbajmë një dietë ushqimore ku heqim brumrat, sheqerin, karbohidratet e dëmshme. Duke forcuar qelizat imunitare lythat thahen dhe bien vetë. Trupi jonë i fshin gjurmët e këtij elementi sepse fitojmë ekulibrin tonë me një dietë të shëndetshme duke pastruar trupin nga toksinat.
Nutricionisti Joka, ekspert i mjekësise holistike, tregon disa receta natyrale që mund t’i bëni vetë në shtëpi.
Lyerja e lythave me uthull është element shumë i mirë po ashtu edhe me hudhër të shtypur. Kujdes ushqehuni me produkte që kanë indeks të ulët të gliceminës, konsumoni çaj boronice, ushqime me zink dhe vitaminë D3. Provoni çajin detoksifikues, përzjeni hithër me gjethe ulliri, agjëroni si dhe rrisni aktivitetin e qarkullimit limfatik nëpërmjet masazheve. Gjithashtu çajrat ju ndihmojnë, 1 lugë vaj kokosi, vaj rigoni dhe vaj i pemës së çajit ka efekt antibakterial, soda e bukës dhe vaj recini është shumë i mirë, përdorimi i kërpudhave medicinale ose përzieni uthull molle me hudhër si dhe vaj rigoni. Një përzierje e mirë është edhe ajo e vajit të kokosit me limon që krijon një balancim për problemet e lythave.
https://youtu.be/r3dw5yHZKzU
