Gazetari i njohur shqiptar, Artan Hoxha, u ndalua së fundmi në Kakavijë nga autoritetet policore greke për të mos hyrë në Greqi. Vendimi për ta shpallur ‘Non Grata’ është marrë në të njëjtën kohë me qëndrimet e tij të ashpra ndaj çështjes ‘Beleri’ dhe ngjarjeve në Bularat.
Sipas burimeve, ky vendim është në fuqi që prej vitit 2024, ndërsa arsyet për ndalimin lidhen me denoncimet dhe publikimet e Hoxhës mbi aktivitetet e strukturave nacionaliste greke, veçanërisht rreth personit të Fredi Belerit, dhe përfshirjen e elementëve grekë në ngjarje të rënda kundër interesave shqiptare.
Hoxha ka publikuar materiale dhe investigime që dëshmojnë përfshirje të elementëve grekë në masakra, zhvarrime dhe ngjarje të tjera të rënda në rajon, si dhe ka ndërmjetëruar me media greke për ekspozimin e lidhjeve të Belerit me kriminelë shqiptarë në shërbim të strukturave nacionaliste.
Ky është rasti i fundit në një seri të vendimeve të ngjashme nga policia greke ndaj gazetarëve shqiptarë, ndërkohë që reagimet të shumta janë drejtuar drejt qeverisë së Athinës për çështjen e lirisë së shtypit dhe respektimit të të drejtave të njeriut.
