Kryetari i Lidhjes Demokratike të Kosovës, Lumir Abdixhiku, ka prezantuar listën e kandidatëve me të cilën subjekti i tij synon t’i fitojë zgjedhjet e parakohshme parlamentare të 28 dhjetorit, duke e cilësuar atë si “listën e shpresës”.
Në një adresim publik, Abdixhiku tha se kjo listë përfaqëson njerëzit që besojnë në shtet, ligj, meritokraci dhe në të ardhmen euroatlantike të Kosovës.
Sipas tij, ekipi i paraqitur bashkon përvojën dhe profesionalizmin me energjinë e një gjenerate të re që kërkon ndryshim të vërtetë.
