Një aksident ka ndodhur mesditën e kësaj të hëne, më 24 nëntor pranë kryqëzimit të Rrilës përgjatë superstradës Lezhë-Milot.
Gazetari i Klan News Martin Marku raporton se dy automjete janë përplasur me njëri-tjetrin në këtë aks, njëri prej të cilëve ka përfunduar i përmbysur në një kanal.
Si pasojë e këtij aksidenti kanë mbetur të plagosur dy drejtuesit e mjeteve, të cilët për fat të mirë ndodhen në spital janë rrezikut për jetën.
“Ngjarja ka përfshirë një mjet tip Caddy i drejtuar nga shtetasi Z.C, dhe një automjet tip Benz me drejtues shtetasin me inicisle N. P. Si pasojë e përplasjes, automjeti tip Benz ka dalë nga rruga dhe ka përfunduar në një kanal anësor me ujë por fatmirësisht, nga aksidenti raportohet se jane plagosur lehte dhe jashte rrezikut per jeten te dy drejtuesit e mjeteve.”, thuhet në njoftimin paraprak të Policisë.
